íbúðin er á svæði skammt sunnan við Torrevieja svæðið hefur verið í mikilli uppbyggingu síðustu ár. Íbúðin er skammt fyrir ofan veginn sem liggur ekki alllangt frá ströndinni, vegurinn nefnist N-332. Nálægt eru nokkrir stórmarkaðir og stutt er í matvörubúð (Consum) eða um 5 mínútna gangur þegar gengið er í vestur fjær ströndinni, gengið er undan brekku með innkaupin. Íbúðin er á jarðhæð og er endaíbúð í þriggja hæða blokk, blokkin og byggingarnar umhverfis hana voru byggðar á árunum 2003 til 2005 og eru byggðar samkv. evrópskum staðli,í þeim er meiri einangrun og vandaðri frágangur en gengur og gerist á Spáni fyrri tíma.

Við sækjum þig á flugvöllin ef þú óskar eftir því.
- Húsið rúmar 5 manns + 1 gest auka
- 2 svefnherbergi
- Þvottavél
- 1 baðherbergi með sturtu
- sólabaðsaðstaða verönd og við sundlaug
- Frír aðgangur að hverfissundlaug
- 25 mín rölt niður á strönd
- 5 mín ganga að verslunum
- Rólegt hverfi og stutt í alla þjónustu

Nettenging er íbúðinni tengingin er hjá Broadband Costa Blanca.

Íbúðinni fylgir allur búnaður til afnota þegar dvalið er í henni, í stofu eru leðursófar og gott borðstofusett með 4 stólum, lítið sjónvarp með DVD og hljómflutningstæki, í stofulofti eru tvær viftur. til upphitunar eða kælingar eru tvær varmadælur, ein í stofunni og hin í hjónaherbergi, þessum búnaði er stjórnað með fjarstýringu og er hann algengur í heitari löndum. Í hjónaherberginu er gott 150 cm. rúm, auk náttborða, stór fataskápur ásamt kommóðu og spegli, í lofti er vifta og í fataskáp hjónaherbergis er samanbrotið rúm sem hægt er að setja upp í stofunni.

Í minna herberginu er 135 cm. gott rúm, þar er ágætur skápur þar sem sólhúsgögn eru geymd, í honum er nóg pláss þegar húsgögnunum hefur verið komið fyrir í sólinni utan við íbúðina. í minna herberginu er ekki hitunar- eða kælibúnaður en þar er vifta í lofti. Fyrir öllum gluggum eru rimlagardínur með lásbúnaði ( það þarf að skoða vel hvernig hann virkar).

Eldhúsið er búið öllum helsta búnaði til matargerðar, keremik eldavél, blástursofn, örbylgjuofn, brauðrist, pottar-pönnur,hnífapör og almennt leirtau. Í eldhúsi er góður búrskápur og stór ísskápur með frysti. Inn af eldhúsi er hreinlætisaðstaða, þar eru uppþvottavél, tauþvottavél og þurrkari, þar er einnig aðstaða fyrir annan búnað, td. innkaupakerru ofl.

Í íbúðinni er rúmgott gluggalaust baðherbergi, í því er vatnssalerni ásamt skolskál. Í baðherberginu er baðkar, það er frekar lítið en með góðri sturtu, skápur er fyrir handklæði og annan búnað. Þá er í baðherberginu góður spegill og hárblásari, í axlarhæð frá gólfi er 600-1200 W ofn sem gott er að kveikja á áður en farið er í sturtu eða bað og til loftræstingar er útblástursvifta.

Þar sem þetta er endaíbúð á jarðhæð fylgir íbúðinni mikið rými til austurs og suðurs, sólin kemur snemma upp á svæðið utan við íbúðina og helst þar allan daginn þar sem önnur hús skyggja ekki á. íbúðinni fylgir afnot af mjög góðum sundlaugargarði sem staðsettur er bakatil við blokkina ( mínútu gangur, eða minna ).
Góðir golfvellir eru í 5 mínútna akstri frá íbúðinni. Einnig eru margskonar þjónustustaðir í göngufæri, t.d. gokart, laugardagsmarkaður, pósthús, netkaffi, leigubílar ( við Consum matvörubúð) ofl. 

Google map

ATH: Rauðir dagar í dagatali geta verið skipti dagar leitið nánari upplýsinga um lausa daga spanarfri(at)spanarfri.is.

Staðfestingargjald er 20% leiguverðs sem greiðist við bókun og er óafturkræft. 
Greiða þarf leigu að fullu eigi síðar en einum mánuði fyrir upphaf leigutímans.
Þrif íbúðar við brottför eru ekki innifalin í verði.
Hver gestur umfram uppgefin fjölda 50 eu vikan
Tryggingargjald er 25.000.- og er endurgreitt við heimkomu.
Tryggingargjald er fyrir: Skil á lyklum - Þrifum - Lámarkstjóni.